يحيى ا.
كل مصمم مواقع لازم يسأل أسئلة محددة للعميل قبل ما يبلّش أي مشروع
الكثير بيظن إن الموضوع بس يحتاج:
هوية بصرية + معرفة هدف الموقع (بورتفوليو أو متجر)…
لكن الحقيقة إن الأسئلة الصح من البداية بتوفّر عليك كمية تعديلات وتغييرات مستقبلًا
أهم الأسئلة قبل البدء:
✅ 1) ما هي الـ Roadmap داخل الموقع؟
شو المسار اللي بدك الزائر يمشي فيه خطوة بخطوة ليوصل للهدف النهائي؟
✅ 2) ما هي الخدمات الأساسية اللي لازم تظهر أولاً؟
شو اللي لازم ينحط تحت الضوء، وشو اللي ممكن يكون ثانوي؟
✅ 3) شو الانطباع اللي بدك التصميم يعكسه؟
Modern؟ Fancy؟ بسيط؟ رسمي؟
والأهم: تكون التجربة سلسة وواضحة للزائر.
✅ 4) هل فعلًا لازم كل الأقسام التقليدية؟
مو دايمًا لازم نمشي على نفس القالب:
Hero Section / About / Services / FAQ / Contact / Footer
أحيانًا بنوصل الفكرة بطريقة أذكى وأخف حسب الهدف.
✅ 5) مين المنافسين؟ وهل في ميزات عاجبتك عندهم؟
مواقع المنافسين + الأشياء اللي تعجبك فيها بتساعدني أفهم توقعاتك بسرعة.
✅ 6) شو المتطلبات التقنية والـ Integrations؟
هل الموقع متعدد اللغات؟
هل فيه Blog / CRM / WhatsApp / Booking / Payment / GTM / Pixel؟
وهل في SEO أساسي + سرعة + Accessibility لازم ننفذهم من البداية؟
✅ 7) شو الـ Unique Value تبعك؟
ليش العميل يختارك أنت تحديدًا؟
(سعر / سرعة / جودة / خبرة / خدمة ما بعد البيع)
لازم تظهر بوضوح في Hero Section خلال أول 10 ثواني.
✅ 8) كيف بدك تعرض الأعمال والصور؟
Case studies كاملة؟ ولا مجرد Gallery؟
✅ 9) هل في متطلبات قانونية أو سياسات؟
سياسة خصوصية / كوكيز / شروط استخدام / حقوق صور / سجل تجاري / رقم ضريبي… إلخ.
✅ 10) شو الـ Deadline الحقيقي؟ وليش؟
إطلاق حملة؟ افتتاح؟ موسم مبيعات؟
هذا السؤال بيساعدنا نحدد أولويات الـ MVP بشكل واقعي.
