احمد ع.
من خلال تصفحي لملفك ومعرض أعمالك، حابب أشاركك ملاحظات ممكن تساعدك تطور حسابك بشكل أسرع:
أكتر حاجة لفتت انتباهي هي تشتّت التخصص. النبذة تتكلم عن كتابة وبحوث وتدقيق وترجمة، بينما معرض الأعمال فيه تصميم شعارات وهويات وإدخال بيانات. كعميل، بصراحة ممكن أتلخبط: هل أنت كاتب؟ ولا مصمم؟ ولا الاتنين بنفس القوة؟
من تجربتي، التركيز على مجال أساسي واحد يجعل القرار أسهل على صاحب المشروع.
أيضا لاحظت إن المعرض ليس في نفس اتجاه النبذة. لو ستركز على الكتابة مثلًا، الأفضل إن أغلب المعروض يكون مقالات، بحوث، تقارير، مع أمثلة نصية واضحة، حتى لو مقتطفات قصيرة. الصور لوحدها ليست كفاية في مجال الكتابة.
النبذة طويلة وفيها معلومات كتير، لكن محتاجة تتلخّص أكثر وتبقى موجهة لصاحب المشروع إيه مشكلته؟ وإنت بتحلها إزاي؟ ليس عدد المهارات هو ما يقنع صاحب المشروع، بل وضوحها.
إنت عندك شغل ومجهود واضح، لكن محتاج ترتيب وتركيز أكتر. لما تخصص اتجاهك وتجعل المعرض يخدمه، فرصك ستزيد بشكل ملحوظ إن شاء الله.
أتمنى تكون الملاحظات مفيدة، وبالتوفيق
