Peter S.
دلوقتي محتاج اعرف ازاي ادخل علي العميل واعرف اقدم ع فرصه حلوه وتتقبل
أحمد ي.
علشان يتقبل عرضنا على أي مشروع نقدم عليه محتاج كذا نقطة مش نقطة واحدة، بداية من حسابك على المنصة وكيف تستعرض مهاراتك وخبراتك بتخصصك كمحاسب والأدوات التي تتمكن من استخدامها بالنبذة الشخصية الخاصة بك، كذلك معرض أعمالك وازاي يكون بيعكس خبرتك بشكل عملي، مشاريع نفذتها حتى لو على سبيل التجربة وليست مشاريع حقيقية ولكن هتساعدك يكون عندك معرض أعمال يطلع عليه العميل ويشوف قدراتك.
عند الاطلاع على المشاريع تصفح المشاريع كلها بمجال تخصصك واختر الأنسب لك من حيث الخبرة والوقت والقيمة، وقدم عليهم بالترتيب، المهم أن لا يكون عرضك عادي وعام بل خصص عرضك ووضح للعميل ما ستقدمه بشكل عملي لتنفذ مشروعه وبالتالي يصله أنك فاهم المشروع وقادر على تنفيذه وطبعا مع كتابة العرض مهم أنك توضح الوقت والقيمة اللي هتحتاجهم لتنفيذ المشروع كما يجب.
Ahmed A.
أهلا بيتر، بإذن الله تحصل على الفرصة المناسبة ليك وتتقبل، الموضوع بس محتاج شوية مجهود وصبر، وإن شاء الله تقدر.
أول حاجة: محتاج تعمل بورتفوليو أو معرض أعمال قوي، ارفع في ملفات pdf بعض الميزانيات اللي اشتغلتها عشان تظهر شغلك.
- اكتب على ملفك الشخصي نبذة تعبر عن خبراتك والشركات اللي اشتغلت فيها، دول أهم حاجتين في البداية لإن أول حاجة العميل بيعملها لما يشوف عرضك بيدخل مباشرة على البروفايل بتاعك ويشوفه.
- دلوقتي تقدر تختار تصنيف الأعمال والخدمات الاستشارية عشان تظهر مشاريع ليها علاقة بمجالك، ولاحظت دلوقتي على مستقل إن فيه مشروعات كتير بتطلب محاسب محترف.
- ماتقدّمش على أي مشروع، اقرأ تفاصيل المشروع بدقة، وشوف المشاريع اللي عندك فيها خبرة واضحة وعندك أعمال سابقة لها.
- في كتابة العرض لا تأخذه كوبي بيست، اكتب عرض مخصص للمشروع بتوضح فيه إنت مين وخبراتك إيه وتقدر تعمل إيه في المشروع ده بالظبط، حاول تبينله إنك فاهم وعارف كويس اللي هو عاوزه بالظبط.
- نفذ ده كتير على كل المشاريع اللي ممكن تشتغل عليها كويس، ومحتاج في المرحلة دي إنك تصبر وتحاول أكتر من مرة لفترة طويلة.
في الأول خليك مرن في السعر شوية، وبمجرد ما تحصل على مشروعك الأول بتقييم كويس، فرصك هتزيد بعد كدا.
