أنا من الناس اللي شايفة إن معرض الأعمال ممكن يكون أهم من العرض نفسه أحيانًا، لأن في النهاية ده المكان اللي العميل بيشوف فيه طريقة تفكيرك ومستوى شغلك الحقيقي.
نصيحتي الأساسية هي: زي ما بتبذل مجهود في تنفيذ المشروع، ابذل مجهود مشابه في طريقة عرضه, ناس كتير بتنفذ مشاريع ممتازة، لكن تعرضها بشكل بسيط جدًا، فالمشروع بيفقد جزء كبير من قيمته.
لو مجالك تصميم مثلًا، حاول تعمل Case Study بدل ما ترفع صور وخلاص. وضّح المشكلة، وطريقة التفكير، والبحث، وخطوات العمل، والنتيجة النهائية. العميل غالبًا مش بيدور عن شخص بيعرف استخدام الأداة فقط، بل عن شخص يفكر ويحل المشكلات.
كمان اهتم جدًا بالـ Thumbnail والعنوان الخاص بكل مشروع. دي أول حاجة العميل بيشوفها، ولو ما شدتش انتباهه غالبًا مش هيدخل يشوف المشروع من الأساس مهما كان قوي.
وأحد الأخطاء الشائعة إنك تعرض النتيجة النهائية فقط، بينما في الحقيقة العميل مهتم يشوف ازاي وصلت للنتيجة بقدر اهتمامه بالنتيجة نفسها.
هشارك معاك أحد مشاريعي الي شابف انه كويس وبيوضح قصدي كمثال على الفكرة اللي أقصدها في طريقة العرض وتنظيم المحتوى، ويمكن يفيدك في تكوين تصور عن الـ Case Studies وطريقة تقديم الأعمال.
https://mostaql.com/portfolio/3652141-%D8%AE%D8%B6%D8%B1%D8%A9-%D9%85%D9%86%D8%AA%D8%AC-%D8%B1%D9%82%D9%85%D9%8A-%D9%84%D8%A5%D8%AF%D8%A7%D8%B1%D8%A9-%D8%AA%D8%AC%D8%B1%D8%A8%D8%A9-%D8%A7%D9%82%D8%AA%D9%86%D8%A7%D8%A1-%D8%A7%D9%84%D9%86%D8%A8%D8%A7%D8%AA%D8%A7%D8%AA
بالتوفيق يا أحمد، وصدقني تطوير طريقة عرض الأعمال أحيانًا بيعمل فرق أكبر من إضافة مشروع جديد للمعرض. 👌🚀
